Shyǵarylǵanyna 10 jyldan asqan avtobýstardy Qazaqstanda tirkeýge tyıym salynady
NUR-SULTAN. QazAqparat – 2022 jyldyń 1 qańtarynan bastap shyǵarylǵanyna 10 jyldan asyp ketken avtobýstardy alǵashqy tirkeýge tyıym salý engiziledi. Bul týraly QR ІІM Ákimshilik polıtsııa komıteti tóraǵasynyń orynbasary Serik Túsipov aıtty, dep habarlaıdy QazAqparat tilshisi.
«Osy jyldyń 1 aqpanynda Memleket basshysy «Qazaqstan Respýblıkasynyń keıbir zańnamalyq aktilerine jol júrisi máseleleri boıynsha ózgertýler men tolyqtyrýlary engizý týraly» Zańǵa qol qoıǵany belgili. Atalǵan zańmen júrgizýshiler jeke basyn kýálandyratyn qujaty bolǵan kezde Qazaqstanda berilgen júrgizýshi kýáligi men avtokólik tehpasportyn ózimen birge alyp júrmeýine bolady», - dedi ol.
Onyń atap ótýinshe, júrgizýshide atalǵan qujattar bolmaǵan jaǵdaıda ákimshilik jaýapkershilikke tartý alynyp tastaldy.
«Sonymen qatar shyqqanyna 10 jyldan asqan avtobýstardy Qazaqstanda alǵashqy tirkeýge zańmen tyıym salady. Bul norma kelesi jyldyń 1 qańtarynan bastap kúshine enedi jáne júrgizýshiniń ornynan basqa 8 oryndyqtan astam orny bar barlyq avtobýsqa qatysty», - dedi Serik Túsipov.
