«Shyǵarmashylyqta shekara joq» festıvali múmkindigi shekteýli jandardy biriktirdi
ASTANA. 18 naýryz. QazAqparat - Keshe Astanada múmkindigi shekteýli jandarǵa arnalǵan «Shyǵarmashylyqta shekara joq» festıvali ótkizildi. Bul joba túrli jastaǵy, túrli aýrýmen aýyratyn adamdardyń basyn biriktirip, olarǵa kómektesýdi maqsat tutady. Bul týraly astana.kz habarlaıdy.
Saıttyń jazýynsha, «Shyǵarmashylyqta shekara joq» festıvali múmkindigi shekteýli talantty adamdardy anyqtap, olardyń shyǵarmashylyq múmkindikterin damytý, sondaı-aq, múgedekterge kómektesip júrgen memlekettik jáne qoǵamdyq oryndardyń qyzmetin jandandyrý maqsatynda uıymdastyrylýda.
Atalǵan joba keshine túrli dertke shaldyqqan múmkindigi shekteýli jandar qatysty.
Festıval aıasynda dekoratıvti-qoldanbaly shyǵarmashylyq kórmesi ótip, onda qatysýshylar ózderiniń dekoratıvti-qoldanbaly ónerlerin kórsetti. Shahmat pen doıbydan týrnır uıymdastyrylyp, kontsert qoıyldy. Kontsertte múmkindigi shekteýli adamdardy biriktirip otyrǵan qoǵamdyq uıymdardyń ókilderi men múgedekterdiń ózderi óner kórsetti.
Festıvalge Qazaq sańyraýlar qoǵamy, Soqyrlar qoǵamy men «Jas Nur» sańyraýlar qoǵamy ókilderi qatysty.
