Shyǵanaq Bersıev ekken aq tarynyń bir ýysy ǵana mýzeıde saqtaýly
AQTÓBE. QazAqparat - Shyǵanaq Bersıevtiń aq tarysyn tabý qıyn. Qazir Aqtóbeniń Oıyl aýdandyq mýzeıindi bir ýys tary saqtalǵan, dep habarlaıdy QazAqparat tilshisi.
Aq tarynyń atasy Shyǵanaq Bersıevtiń jeke zattary saqtalmaǵan, mýzeıge qoıylmaǵan. Soǵys jyldaryndaǵy oraq, dıirmen ǵana Shyǵanaq Bersıev atyndaǵy Oıyl aýdandyq óner jáne ólketaný mýzeıinde bar. Al taryshynyń jeke dúnıeleri múlde qalmaǵan eken.
«Shyǵanaq Bersıevtiń sharýashylyǵynda paıdalanǵan zattardy ákelip, sol kezderi tary ósirýge paıdalanǵan sharýashylyq buıymdaryn kórmege qoıdyq. Bizdiń mýzeıde Sh.Bersıevtiń bir ýys tarysy men tary basýǵa arnalǵan temir buıym ǵana bar. Osy ekeýi biz úshin qundy»,- dedi Shyǵanaq Bersıev atyndaǵy Oıyl aýdandyq óner jáne ólketaný mýzeıiniń dırektory Balqııa Yrysbaeva.
Oıyldyqtar Aqtóbe qalasynyń turǵyndaryna tarydan jasalǵan 15 túrli taǵam usyndy. Olardyń kóbi umyt qalǵan ulttyq taǵamdar.
«Zertteýler tarydan jasalatyn 40-tan astam taǵamnyń bar ekenin anyqtady. Biz onyń 15 túrin bilip, jasap júrmiz. Máselen, shyrt-pyrt degen bar. Jylqy qazysynyń maıyna jibitiletin tary da jaqsy azyq. Asqabaqqa janshylǵan taǵy, qaýynnyń qaǵyna janshylǵan tary degen túrin estigenbiz. Aldaǵy ýaqytta tarydan jasalatyn taǵamdardyń túrin arttyryp, qoldanýdy josparlap júrmiz. Tipti tarymen báıgege qosatyn arǵymaqty baptaǵan. Aq tarynyń atasy atanǵan Shyǵanaq Bersıevtiń bul eńbegi iz-túzsiz joǵalyp joıylyp ketken joq. Jergilikti sharýashar tary ósirip jatyr. Keıbiri aq tary ege bastady»,- dedi Balqııa Yrysbaeva.
Oıyl aýdanynyń turǵyndary jyl saıyn Shyǵanaq Bersıevtiń kesenesine baryp, táý etip turady.
