Shybyq tistep aǵash tesiginen qurt-qumyrsqa shyǵaratyn qarǵalar

ASTANA. QazAqparat - Sent-Endrıýs ýnıversıtetiniń ǵalymdary qarǵalardyń bir túri azyǵyn tabý úshin qural qoldanatynyn anyqtady.

Gavaı qarǵalary taıaqshanyń kómegimen aǵashtaǵy tesikterden qurt-qumyrsqany shyǵarady. Al yńǵaıly bolý úshin aqyldy qustar keıde artyǵyn tistep tastaıdy eken. Ózine qajet shybyqty jerden taba almasa, butaqtardan julyp alady.

Osyǵan deıin taıaqshany qural retinde Jańa Kaledonııa aralynda turatyn qarǵalar paıdalanatyny belgili edi. Al Gavaı qarǵasy eki myńynshy jyldardyń basynda tabıǵatta quryp ketken jáne qazirgi kezde tek haıýanattar baqtarynda saqtalǵan, dep habarlaıdy 24.kz.