Shveıtsarııalyq ınvestor Katonqaraǵaıda taý shańǵysyn damytpaqshy

ASTANA. KAZINFORM – Shyǵys Qazaqstan oblysynyń ákimi Nurymbet Saqtaǵanov «Jibek Joly» arnasynyń «Ýáde» baǵdarlamasynda Rıdderde «Anataý» shańǵy kýrorty salynatynyn málim etti.

- Shveıtsarııanyń Bartholet degen úlken týrıstik kompanııasy bar. Kez kelgen jerge ınvestıtsııa sala bermeıdi. Olar bizdiń Rıdder qalasynyń aınalasyn zerdeleı kelip, tań shańǵysyn damytýǵa nıettenip otyr. Rıdder men Katonqaraǵaıdaǵy qar taý shańǵysyna qolaılylyq kórsetkishi boıynsha álemde ekinshi orynda degen qorytyndy jasap otyr. Bul ekinshi Kýrshevel bolýǵa múmkindigi bar jer degendi aıtty. «Altaı alpisinen» ári qaraı aspaly joldar tartyp, jyl on eki aı jumys isteıtin «Anataý» shańǵy kýrortyn jobalap jatyrmyz. Ol jerde 8 aı shańǵy tebedi, qalǵan ýaqytta jazǵy demalystar uıymdastyrylady, - dedi ol.

Oblys ákiminiń aıtýynsha, Rıdder qalasynyń týrızmdegi áleýeti 2-3 jyldyń ishinde basqa deńgeıge shyǵaıyn dep tur.

- Jyl aıaǵyna deıin zertteýler men qujattardy aıaqtasaq, keler jazda qurylystar bastalý kerek. Investor retinde Bartholet-tiń ózi kirmekshi. Almatyda jumystaryn bastady. Rıdderdi josparlaryna kirgizip otyr. Rıdderden keıin kelesi kezeńde Katonqaraǵaı jaqta da taý shańǵysyn damytý qolǵa alynady. Ol jerdiń de múmkindigi bar ekenin olar dáleldep otyr. Ondaǵy qardyń sapasy da jasandy qar tasýdy qajet etpeıdi, - dedi aımaq basshysy.

Osyǵan deıin Almatyda taý shańǵysy klasterin damytýǵa arnalǵan joba jańa kezeńge ótkeni týraly jazdyq.