Shveıtsarııanyń Alpi taýlaryndaǵy tutas bir aýyldy kóshkin basyp qaldy

ASTANA. KAZINFORM – Shveıtsarııanyń Alpi taýyndaǵy Blatten aýylyn kóshkin basyp qaldy, dep habarlaıdy BILD. 

Bir kún buryn atalǵan eldi mekende jappaı kóshkin júrgen. Blatten turǵyndary aldyn ala evakýatsııalanǵan. Alaıda, apat munymen bitken joq – endi búkil aımaqty sý basý qaýpi tónip tur. 

Vale kantony bıliginiń málimetinshe, Lonts ózeniniń arnasy bitelip qalǵan. Bir kún buryn bastalǵan jańbyr saldarynan sý deńgeıi burynǵydan beter jyldam kóterilip jatyr.

– Kól paıda bola bastady, ol barǵan saıyn úlkeıip keledi. Qar massasy men tastar bóget rólin atqarady, alaıda ózen jarylyp ótýdiń jolyn tabady. Biz muny basqara almaımyz, - dedi geolog Rafael Maıorats. 

Bılik Shveıtsarııa armııasynan shuǵyl túrde kómek surady. Halyqqa quzyrly organdardyń nusqaýyn qatań oryndaý jáne qaýipti aımaqqa jaqyndamaý tapsyryldy. Kórshi aýyldar da kóshirildi.