Shveıtsarııanyń Alpi taýlarynda 34 jyldan keıin eki alpınıstiń denesi tabyldy
ASTANA. KAZINFORM –1992 jyly Shveıtsarııanyń Alpi taýlarynda joǵalyp ketken eki belgııalyq alpınıstiń súıekteri Italııa shekarasyna jaqyn jerdegi erip jatqan Trıft muzdyǵynan anyqtaldy. Olardyń jeke basy DNQ testileýi arqyly rastaldy, dep habarlaıdy Euronews.
Adam súıekterin 26 shildede saıahatshy tapty. Olar Sondaǵy Vale kantony aýrýhanasynyń Sot medıtsınasy ınstıtýtyna jetkizildi. DNQ salystyrýy qaza bolǵandardyń 34 jyl buryn Vaısmıs taýy aımaǵynda joǵalyp ketken eki alpınıst ekenin rastady.
Olar 1992 jyldyń 4 qyrkúıeginde Vaısmıstegi lashyqtan shyǵyp, bıiktigi 4017 metr shyńǵa shyǵý úshin saparǵa attanǵan. Olar Almageldegi lashyqqa deıin jetti, biraq kún raıynyń kúrt nasharlaýyna baılanysty saparyn ári qaraı jalǵastyra almady.
Іzdeý jumystary birneshe aıǵa sozyldy. Qutqarýshylar alpınısterdiń rıýkzagyn anyqtady, alaıda ózderi tabylmady.
Vale kantony polıtsııasy 1925 jyldan beri joǵalǵan adamdardyń tizimin júrgizip keledi. Olardyń kópshiligi taýly aımaqtar men ózenderde joǵalǵan edi.
Sońǵy jyldary Shveıtsarııa Alpilerinde muzdyqtardyń erip, ondaǵan jyldar buryn joǵalyp ketken adamdardyń súıekteri tabylyp jatyr. Erip jatqan qalyń muzdyń astynan uzaq ýaqyt jasyrynǵan jerler ashylyp jatyr.
2025 jyly sol kantondaǵy Ober-Gabelhorn muzdyǵynan 1994 jyly joǵalyp ketken shveıtsarııalyq alpınıstiń súıekteri tabyldy.
Osyǵan deıin Almaty qutqarýshylary qaýipti taý baǵyttaryn ataǵanyn jazdyq.
