Shveıtsarııalyq ǵalymdar sıyr etiniń balamasyn jasap shyǵardy
ASTANA. KAZINFORM — Shveıtsarııa zerthanalarynyń birinde jasandy sıyr eti ósirildi, dep AZÁRTADJ agenttigi Planet Today portalyna silteme jasap habarlady.
AZÁRTADJ sheteldik BAQ-qa silteme jasaı otyryp habarlaǵandaı, ǵalymdar naǵyz sıyr etine uqsas bulshyqet tinderin sıntezdeýge qol jetkizgen. Alaıda, mundaı ónimniń naryqqa shyǵýyna áli erte.
Negizgi qıyndyq — qajetti qasıetterge ıe bulshyqet qurylymyn jetkilikti mólsherde óndirýdiń qıyndyǵy. Kóp jaǵdaıda sıntezdelgen talshyqtar tym jińishke ári tıisti fýnktsıonaldyq qasıetteri joq ekeni aıtylǵan.
Aıta keteıik, Sıngapýrda jasandy taýyq eti qazirdiń ózinde naryqta usynylǵan, biraq sıyr etine qatysty jaǵdaı áldeqaıda kúrdeli. Degenmen, shveıtsarııalyq ǵalymdardyń jetistigi bul tehnologııany damytýǵa úlken múmkindik beredi dep kútilip otyr.
2015 jyly Gollandııanyń Maastrıht ýnıversıtetiniń mamandary aldaǵy ýaqytta, shamamen 2020 jylǵa qaraı adamzat jasandy jolmen ósirilgen mal etin jeýge kóshýi múmkin ekendigin aıtqan edi.