Shveıtsarııalyq Alpide bes shańǵyshy qaza taýyp, bireýi iz-tússiz joǵaldy

ASTANA. KAZINFORM — Qutqarýshylar Matterhorn aýdanynda qaza tapqan bes shańǵyshynyń denesin tapty. Polıtsııa iz-túzsiz joǵalǵan dep tanylǵan altynshy shańǵyshyny izdep jatyr. Bul týraly Euronews jazdy. 

Shveıtsarııanyń Alpi taýlarynan Matterhorn mańynda demalys kúnderi joǵalyp ketken alty shańǵyshynyń beseýiniń denesi tabyldy. Polıtsııanyń málimetinshe, top quramynda bir otbasynyń músheleri de bolǵan.

Shańǵyshylar shańǵy tebýge 9 naýryzda Tsermatt kýrorttyq qalasynan shyqqany habarlandy. Bir sátte baılanys kilt úzilgen. 

Іzdestirý jumystary kún raıynyń qolaısyzdyǵyna baılanysty qıyndyq týǵyzyp otyr. 

«Qutqarýshylar oqıǵa ornyna biz anyqtaǵan koordınattar boıynsha keldi. Ókinishke qaraı, ólgen alty adamnyń beseýin sol jerden taptyq», — dedi Vale kantony aımaqtyq polıtsııasynyń basshysy Krıstıan Varone.

Málim bolǵandaı, qutqarý toby qazir altynshy shańǵyshyny izdeýdi jalǵastyryp jatyr.