Shveıtsarııadaǵy tehnologııa festıvalinde atys boldy
ASTANA. KAZINFORM – Shveıtsarııanyń Araý qalasyndaǵy tehnofestıvalde bolǵan atystan bir adam qaza taýyp, bes adam jaraqat aldy, dep habarlaıdy Bild.
Argaý polıtsııasynyń málimetinshe, oq atqan belgisiz adamdardy izdeý jumystary jalǵasyp, shabýyldyń mán-jaıy tekserilip jatyr.
Aldyn ala málimet boıynsha, atys shamamen tańǵy saǵat 2:30-da Aarauer Rave ótip jatqan ıppodromnyń janynda bolǵan. Shveıtsarııa BAQ jarııalaǵan beınejazbada shamamen on qatty jarylys dybysy kórsetilgen.
Kýágerler bastapqyda oq atýdy otshashýmen shatastyrǵanyn habarlady. «Barlyǵyńyz tómen!» degen aıqaılar estilgennen keıin, festıvalge qatysýshylardyń keıbiri dıdjeı kabınasynyń astyna tyǵylǵan. Sonymen qatar festıvalge qatysýshylar sırenalar men kóptegen tótenshe jaǵdaılar qyzmetiniń jumys istegenin habarlady.
Ippodrom aýmaǵy qorshaýǵa alyndy, al jaqyn mańdaǵy basseın de jabyldy. Polıtsııa adamdardan oqıǵa ornynan aýlaq bolýdy jáne kez kelgen fotosýretter men beınelerdi tergeýshilerge tapsyrýdy suraıdy. Festıvalge shamamen 3500 adam qatysty.
Buǵan deıin Shveıtsarııada qatty daýyl men burshaq jaýyp, ondaǵan adam zardap shekkenin jazǵan edik.
