Shveıtsarııadaǵy taý shańǵysy kýrortyndaǵy órtengen bardyń ıesi qamaýǵa alyndy

ASTANA. KAZINFORM — Shveıtsarııada jańa jyl túni órtte 40 adam qaza tapqan bardyń ıesi ustaldy, dep habarlaıdy BBC.

Basylymnyń habarlaýynsha, quqyq qorǵaý organdary qashyp ketýi múmkin degen bardyń ıesi, Frantsııa azamaty Jak Morettı ustaldy.

Barda sońǵy 5 jylda órtke qarsy ınspektsııa bolmaǵany belgili boldy.

Shveıtsarııa prokýratýrasy Morettı men onyń áıeli, bardyń teń ıesi Djessıkaǵa qarsy is qozǵady.

Vale kantondyq prokýratýrasy olardy adam ólimi men mertigýge jol berdi — nemquraılylyq tanytty dep aıyptady.

— Memlekettik prokýratýra májbúrleý sharalary jónindegi sottan [advokatýranyń] menedjerin qamaýǵa alýdy suraýǵa sheshim qabyldady, — dep habarlady Vale prokýratýrasy Jak Morettıdi meńzep.

Osy málimdemeden keıin kóp uzamaı shveıtsarııalyq 24 Heures gazeti Jak Morettıdiń shynymen de qamaýǵa alynǵanyn jarııalady.

Reuters agenttiginiń habarlaýynsha, Jak pen Djessıka Morettı juma kúni Vale kantonynyń astanasy Sıon qalasyndaǵy prokýratýraǵa kelgen. Olar jýrnalısterdiń suraqtaryna jaýap berýden bas tartty.

Jańa jyl túni Shveıtsarııanyń Krans-Montana taý shańǵysy kýrortyndaǵy Le Constellation baryndaǵy órt 40 adamnyń ómirin qıdy. Qurbandar arasynda Shveıtsarııa, Italııa, Rýmynııa, Túrkııa, Portýgalııa, Frantsııa, Belgııa, Ulybrıtanııa jáne Izraıl azamattary bar.

Oqıǵada 119 adam zardap shekti, olardyń kópshiligi aýyr kúıikpen aýrýhanaǵa jetkizildi; alty qurbannyń jeke basy áli anyqtalǵan joq.

Aldyn ala tergeý málimetinshe, órttiń shyǵýyna shampan bótelkelerinde janyp turǵan pırotehnıkalyq quraldar sebep bolýy múmkin. Olar tóbege tym jaqyn turǵan.

Elde 9 qańtar jalpyulttyq aza tutý kúni bolyp jarııalandy.