Shveıtsarııadaǵy órt: Zardap shekkenderdi anyqtaý aıaqtaldy

ASTANA. KAZINFORM — Jańa jyl túni Shveıtsarııanyń Kran-Montana taý shańǵysy kýrortyndaǵy Le Constellation baryndaǵy órt 40 adamnyń ómirin qıdy. Qaza tapqandardyń jasy 14 pen 39 aralyǵynda, marqumdardyń 15-i kámelet jasqa tolmaǵan, dep habarlaıdy VVS.

Qurbandar arasynda Shveıtsarııa, Italııa, Rýmynııa, Túrkııa, Portýgalııa, Frantsııa, Belgııa, Ulybrıtanııa jáne Izraıl azamattary bar.

Oqıǵada 119 adam zardap shekti, olardyń kópshiligi aýyr kúıikpen aýrýhanalarǵa jetkizildi. Alty máıittiń jeke basy áli anyqtalǵan joq.

Bardy basqarǵan erli-zaıyptylarǵa qatysty qylmystyq is qozǵalyp jatyr.

Shveıtsarııanyń ońtústik-batysyndaǵy Kran-Montana taý shańǵysy kýrortyndaǵy barda bolǵan órtten shamamen 40 adam qaza taýyp, 110-nan astam azamat jaraqat aldy.

Olardyń arasynda frantsýz fýtbolshysy da bar. «Mets» fýtbol klýbynyń 19 jastaǵy oıynshysy Tahırıs Dos Santos aýyr jaraqat alyp, Germanııanyń Shtýtgart qalasyndaǵy kúıik shalǵan naýqastardy emdeýge mamandanǵan medıtsınalyq mekemege jetkizilgen.

Qaıǵyly jaǵdaıǵa baılanysty Shveıtsarııada bes kúndik aza tutý jarııalandy.