Shveıtsarııadaǵy aýylda 62 qabatty záýlim ǵımarat salynady

ASTANA. KAZINFORM — Matterhorn taýynyń eteginde ornalasqan Tsermat tanymal kýrortyndaǵy qonaqúı ıesi Haınts ıÝlen aýyldyń kireberisinen bıiktigi 260 metr bolatyn, 62 qabatty áınek munara salýdy kózdep otyr. Bul týraly BILD basylymy habarlady.

Joba Lina Peak dep atalady jáne avtorynyń aıtýynsha, týrısterge emes, turǵyn úı tapshylyǵy máselesin sheshýge baǵyttalǵan. Aıta keteıik, aýyldyń ózinde shamamen 6 myń adam turady.

ıÝlenniń túsindirýinshe, jylyna 1,5 mıllıon týrıstik tún tirkeletin Tsermatta jergilikti turǵyndar men qonaqúı qyzmetkerleri úshin baspana tabý barǵan saıyn qıyndap barady. Sebebi kóptegen páter týrısterge qysqamerzimdi jalǵa berilip ketken.

Záýlim ǵımaratta aýdany 35-ten 150 sharshy metrge deıingi shamamen 550 páter salý josparlanyp otyr. Tómengi 32 qabat jergilikti turǵyndar men qyzmetkerlerge arnalyp, alypsatarlyqqa tyıym salynbaq. Al joǵarǵy 30 qabatta Matterhorn taýynyń kórinisi bar elıtalyq jyljymaıtyn múlik ornalasyp, naryqtyq baǵamen satylady.

— Eń qymbat lofttar is júzinde jergilikti turǵyndar men jumysshylarǵa arnalǵan turǵyn úıdi qarjylandyrady. Menińshe, bul jaqsy ıdeıa, — dedi ıÝlen.

Páterlerden bólek, munarada qoǵamdyq basseın, balabaqsha ashý jáne taý shańǵysy trassalaryna tikeleı shyǵý joly qarastyrylǵan.

Jobanyń jalpy quny 850 mıllıon eýroǵa deıin jetýi múmkin. Endi bastamashy turǵyndardyń qoldaýyna ıe bolsa, ıaǵnı 600 qol jınasa, kommýnada referendým ótpek.

Buǵan deıin shveıtsarııalyq ınvestor Katonqaraǵaıda taý shańǵysyn damytýdy qolǵa alatyny habarlanǵan edi.