Shveıtsarııa turǵyndary klımatqa nemquraılylyq tanytqany úshin úkimetti sotqa berip, jeńip shyqty

BERN. KAZINFORM – Shveıtsarııa qarttary adam quqyqtary jónindegi Eýropalyq sotta el úkimetiniń klımatqa qatysty áreketsizdigine baılanysty isti jeńip shyqty. Asa ystyq aýa raıy olardyń densaýlyǵyna zııanyn tıgizip, ólim qaýpin týdyrady, dep jazady CNN.

Frantsııada Adam quqyqtary jónindegi Eýropalyq sot (AQJES) Shveıtsarııanyń klımattyq daǵdarysqa qarsy áreketsizdigin adam quqyqtaryn buzady dep tapty. Bul sottyń tarıhta alǵash ret klımattyń ózgerýine baılanysty isti qaraýy.

64 jastan asqan 2 myńnan astam áıelden turatyn Shveıtsarııa azamattarynyń toby AQJES-ke shaǵym túsirdi. Olar qatty ystyq kezeńderdiń densaýlyq pen ómir súrý sapasyna nuqsan keltirip, ólim qaýpin tóndiretinin alǵa tartqan.

Sot Shveıtsarııa úkimeti birqatar adam quqyǵyn buzdy dep tapty. Sot tóraǵasy Shıfra O’Lırı Shveıtsarııa úkimetiniń klımatpen baılanysty maqsattarǵa jete almaǵanyn jáne tıisti sharalar qoldanbaǵanyn atap ótti.

«Shveıtsarııaǵa qarsy búgingi sheshim barlyq eýropa elderi úshin tarıhı pretsedent bolyp tabylady. Bul barlyq Eýropa elderi ózderiniń [klımattyq] maqsattaryn dereý qaıta qaraýy kerek degendi bildiredi. Bul barlyq urpaq úshin úlken jeńis» – dedi Global Legal Action Network zańgeri Djerrı Lıston.

Shveıtsarııanyń apellıatsııalyq shaǵym berý quqyǵy joq, sheshim zańdy kúshke ıe. Sheshim sonymen qatar Shveıtsarııany qazbaly otyndy tutynýdy tezirek qysqartýǵa májbúr etýi múmkin.