Shveıtsarııa SІM Gazaǵy aýqymdy gýmanıtarlyq kómek qajet ekenin málimdedi
ASTANA. KAZINFORM — Shveıtsarııanyń Syrtqy ister mınıstrligi (SІM) Gaza sektorynda tirkelgen eń aýyr ashtyqqa qarsy turý úshin aýqymdy gýmanıtarlyq kómek kórsetý qajettigin málimdedi, dep habarlaıdy Anadoly.
Mınıstrlik bul týraly amerıkalyq X áleýmettik jelisindegi jazbasynda habarlady. Buǵan deıin Azyq-túlik qaýipsizdiginiń fazalaryn ıntegratsııalanǵan jikteý (IPC) sheńberinde sarapshylar jarııalaǵan esepte 15 tamyzdaǵy jaǵdaı boıynsha Gaza qalasynda ashtyq senimdi derekter negizinde rastalǵany kórsetilgen bolatyn.
Shveıtsarııa SІM Palestına anklavyndaǵy ashtyqtyń rastalǵanyna alańdaýshylyq bildirdi.
«Ashtyqtyń ári qaraı ýshyǵyp, taralýyna jol bermeý úshin shuǵyl ári aýqymdy gýmanıtarlyq sharalar qajet», – delingen mınıstrlik habarlamasynda.
Sonymen qatar, Shveıtsarııa tarapy Izraılden gýmanıtarlyq kómektiń Gaza sektoryna kedergisiz jetkizilýin dereý qamtamasyz etýdi talap etti.
IPC sarapshylarynyń jańa esebinde Gaza sektorynda jarty mıllıonnan astam adamnyń tolyqqandy ashtyq jaǵdaıynda qalǵany, oǵan qosa jappaı álsireý, tapshylyq jáne aldyn alýǵa bolatyn ólim-jitimniń oryn alyp otyrǵany aıtylǵan.
Aıta ketelik BUU Gaza sektoryndaǵy asharshylyqty alǵash ret resmı túrde rastady.