Shveıtsarııa kýrortyndaǵy órtten zardap shekkenderge birjolǵy ótemaqy taǵaıyndaldy

ASTANA. KAZINFORM — Shveıtsarııa úkimeti sársenbi kúni Krans-Montana taý shańǵy kýrortyndaǵy barda bolǵan órtten zardap shekkender men qaza bolǵandardyń otbasylaryna birjolǵy 50 myń shveıtsar franki (shamamen 56 myń dollar) kóleminde ótemaqy tólenetinin habarlady, dep jazady AZERTADJ.

Aýqymdy órt saldarynan 41 adam qaza taýyp, 115 adam jaraqat aldy.

AZERTADJ málimetinshe, bul qarjylyq kómek zardap shekkenderge jedel qoldaý kórsetý retinde qarastyrylǵan. Federaldyq keńes ókilderi bul sheshimdi adamgershilik qoldaý dep ataǵan.

— Federaldyq keńes qurbandar men olardyń otbasylarymen birge shyndyq pen ádilettilikke degen umtylysyn quptaıdy. Biz ne bolǵanyn, ne sebepten jáne sol oqıǵany qalaı aldyn alýǵa bolatynyn bilgimiz keledi, — dedi Shveıtsarııa Prezıdenti Gı Parmelen baspasóz konferentsııasynda.

Kýágerler men prokýrorlardyń aıtýynsha, órt, shamdardyń ushqyndary bar ornalasqan jertóledegi penoplastqa túsip, ony tutatqannan bastalǵan bolýy múmkin.

Shveıtsarııalyq bılik qaza bolǵandardyń basym bóligi jasóspirimder ekenin jáne kóptegen qurbannyń sheteldikter bolǵanyn habarlady.

Eske salaıyq, jańa jyl túni Shveıtsarııanyń Kran-Montana qalasynda ornalasqan Le Constellation barynda órt shyqqan bolatyn. Atalǵan derek boıynsha mekeme ıelerine qatysty qylmystyq is qozǵaldy.

Al Taý shańǵysy kýrortyndaǵy órtengen bardyń ıesi qamaýǵa alyndy.

Keıinnen Krans-Montana taý shańǵysy kýrortyndaǵy barda 40 adamnyń ómirin qıǵan joıqyn órtten keıin kóptegen shveıtsarııalyq eldiń saıası júıesiniń jaramdylyǵy men tıimdiligine kúmán keltire bastady.