Shveıtsarııa Kanadany jeńip, álem chempıonatynyń pleı-off kezeńine shyqty
ASTANA. KAZINFORM — Vankýverde fýtboldan 2026 jylǵy álem chempıonaty toptyq kezeńiniń úshinshi týryndaǵy match aıaqtaldy. Onda Shveıtsarııa quramasy Kanadany 2:1 esebimen jeńdi.
Oıyn «Bı-Sı Pleıs» stadıonynda ótti.
Esep 46-mınýtta ashyldy. Shveıtsarııa sapynan Rýben Vargas mergendik tanytty. 57-mınýtta Iohan Manzambı shveıtsarııalyqtardyń basymdyǵyn eseleı tústi. Al kanadalyqtar 76-mınýtta Promıs Devıd soqqan goldyń arqasynda esep aıyrmasyn qysqartqanymen, qarsylasty jeńe almady.
Toptyq kezeń qorytyndysy boıynsha Shveıtsarııa quramasy 7 upaı jınap, álem chempıonatynyń pleı-off kezeńine joldama aldy. Al Kanada quramasynyń enshisinde 4 upaı qaldy.
2026 jylǵy fýtboldan álem chempıonaty 11 maýsym men 19 shilde aralyǵynda AQSh, Kanada jáne Meksıka elderinde ótip jatyr.
Aıta keteıik, Bosnııa jáne Gertsogovına alǵashqy jeńisin toılady.
