Shveıtsarııa halyq sanyn shekteý úshin Shengen aımaǵynan shyǵýy múmkin
ASTANA. KAZINFORM — Shveıtsarııada 14 maýsym kúni eldiń kóshi-qon saıasatyn qaıta qaraýdy kózdeıtin «10 mıllıondyq Shveıtsarııaǵa jol joq!» bastamasy boıynsha referendým ótedi.
Report agenttiginiń habarlaýynsha, bastamaǵa sáıkes, eger 2050 jylǵa qaraı Shveıtsarııa halqynyń sany 9,5 mıllıon adamǵa jetse, bılik halyq sanynyń odan ári ósýin tejeý sharalaryn qabyldaýy tıis bolady.
Múmkin bolatyn sharalardyń qatarynda Eýropalyq Odaqpen erkin júrip-turý týraly kelisimderden bas tartý, sondaı-aq Shveıtsarııanyń Shengen aımaǵy quramynan shyǵý máselesi qarastyrylyp otyr.
Leewas kompanııasy 22–23 sáýir kúnderi júrgizgen saýalnama nátıjesine sáıkes, el turǵyndarynyń 52 paıyzy halyq sanyn 10 mıllıon adam deńgeıinde shekteý ıdeıasyn qoldaǵan.
Osyǵan deıin nemis demografy álemde jyl sanap halyq sany azaıyp bara jatqanyn aıtty.
