Shveıtsarııa AQSh pen Iran arasyndaǵy kelissózderdi óz elinde ótkizýge daıyn
ASTANA. KAZINFORM — Shveıtsarııa úkimeti AQSh pen Iran arasyndaǵy qaqtyǵysty retteý úshin kelissózderdi óz elinde ótkizýge daıyn ekenin habarlady, dep jazady TASS.
— Shveıtsarııa árqashan óziniń ıgi isterin usynýǵa daıyn, — dedi Shveıtsarııa SІM resmı ókili Melanı Gýgelmann.
Gýgelman konfederatsııa «beıbitshilik ornatýǵa yqpal etetin kez kelgen dıplomatııalyq bastamany qoldaýǵa» daıyn ekenin aıtty.
— SІM barlyq qatysýshy taraptarmen baılanysta jumys isteıdi, — dep atap ótti ol.
Buǵan deıin Axios aqparat kózderi Vashıngton men Tegeran qarýly qaqtyǵysty toqtatý týraly memorandýmǵa qol qoıýǵa jaqyn ekenin habarlaǵan. Olardyń pikirinshe, buǵazdy ashý, Irannyń ıadrolyq baǵdarlamasyn shekteý jáne AQSh sanktsııalaryn alyp tastaý týraly kelisimniń egjeı-tegjeıleri boıynsha kelissózder Islamabad nemese Jenevada ótýi múmkin.
Aıta keteıik, AQSh prezıdenti Donald Tramp Aq úı Iranmen qaqtyǵysty dıplomatııalyq jolmen retteý múmkindigine optımızmmen qarap otyrǵanyn rastady.
