Shveıtsarııa 2026 jylǵa prezıdent saılady
ASTANA.KAZINFORM - Shveıtsarııanyń ekonomıka mınıstri Gı Parmelan ekinshi ret prezıdent bolyp saılandy, dep habarlaıdy Kazinform agenttiginiń menshikti tilshisi.
Swissinfo aqparat agenttiginiń habarlaýynsha, ol sársenbi kúni Shveıtsarııa Halyq partııasy atynan 2026 jylǵa prezıdent bolyp saılandy. Gı Parmelan 210 jaramdy bıýlletenniń 203 daýysyn aldy.
Radıkaldy lıberaldy partııa mınıstri Ignatsıo Kassıs 190 jaramdy bıýlletenniń 144 daýysyn alyp, vıtse-prezıdent bolyp saılandy.
66 jastaǵy Parmelan kelesi jyly úkimetti basqaryp, Sent-Gallen kantonynan saılanǵan radıkaldy lıberaldy ókil Karın Keller-Satterdiń ornyna keledi. Bul Vo kantonynan shyqqan saıasatkerdiń ekinshi merzimge saılanýy.
Shveıtsarııa prezıdentine daýys berý parlamentte ótti. Parmelant AQSh tarıfterin tómendetý kelissózderinde mańyzdy ról atqardy.
Kóptegen elderden aıyrmashylyǵy, Shveıtsarııa prezıdentiniń naqty ókilettigi joq, bul ókilettik búkil el atynan ujymdyq organ, Federaldy Keńes (úkimetke uqsas) arqyly júzege asyrylady. Onyń jeti múshesiniń árqaısysy bir jyl boıy rotatsııalyq negizde prezıdent qyzmetin atqarady.
Shetelde resmı túrde Shveıtsarııa atynan sóıleýmen qatar, prezıdent Federaldy Keńestiń otyrystarynda tóraǵalyq etedi jáne daýlardy sheshýge kómektesedi.
Buǵan deıin Qazaqstan men Shveıtsarııa arasyndaǵy taýar aınalymy 1,1 mlrd dollarǵa jetkenin habarlaǵan edik.