Shveıtsarııanyń TAG Heuer kompanııasy da M.Sharapovamen kelisimin úzdi
ASTANA. QazAqparat - Shveıtsarııanyń TAG Heuer saǵat shyǵaratyn kompanııasy reseılik tennısshi Marııa Sharapova dopıngke qatysty daýǵa qalǵannan keıin onymen jarnamalyq shartty buzý sheshimin qabyldaǵanyn jarııalady.
Kompanııa sharttyń sońǵy merzimi 2015 jyldyń 31 jeltoqsanynda ótip ketkenin jáne TAG Heuer ony uzartpaý sheshimin qabyldaǵanyn habarlady.
Buǵan deıin sporttyq kıimder shyǵaratyn Nike tergeý aıaqtalǵansha Marııa Sharapovamen kelisimdi toqtatý sheshimin qabyldaǵan.
Dúısenbi kúni Sharapova qańtar aıynda Avstralııadaǵy Úlken dýlyǵa jarysy kezinde dopıng synaǵynan ótpegenin moıyndady. Los-Andjelestegi baspasóz konferentsııasynyń barysynda ol 10 jyl boıy otbasylyq dáriger jazyp bergen mıldronat dárisin qabyldaǵanyn málimdedi. Bul dárige tek 1 qańtarda ǵana tyıym salynǵan, sportshynyń aıtýynsha, ol budan habarsyz bolǵan.
Nike - reseılik tennısshiniń negizgi demeýshileriniń biri. Nike pen TAG Heuer-den basqa, reseılik tennısshi Cole Haan, Head, Samsung, Evian jáne Porsche kompanııalarymen alty derbes demeýshilik sharttaryn ornatqan.
