Shveıtsarııanyń baıqaýshylary Qazaqstandaǵy saılaý minsiz ótti dep sanaıdy
ASTANA. 4 sáýir. QazAqparat /Arman Asqarov/ - QR Prezıdentiniń kezekten tys saılaýy taza ári minsiz ótti. Shveıtsarııannyń Demokratııa jáne kommýnıkatsııalar ınstıtýtynyń dırektory Pıter Shtatýb elimizde ótken prezıdenttik saılaýǵa osyndaı baǵa berdi.
«Iá, biz 6 saılaý ýchaskesinde boldyq. Ol jerlerdegi daýys berý jumysymen tanysyp, saılaý naýqanynyń taza ári minsiz ótkendigine kózimiz jetti. Bári ádil boldy. Biz eshqandaı kemshilikterdi baıqaǵan joqpyz», - deıdi P.Shtatýb. Óz sózinde sheteldik baıqaýshy saılaýaldy úgit-nasıhatqa bólinetin ýaqytty uzartý qajettigin erekshe atap ótti. «Men óz kezegimde kandıdattardyń saılaýaldy jumystaryna qajetti merzimdi uzartý boıynsha keńes berer edim. Oǵan 5-6 aı berilse, Qazaqstannyń demokratııalyq ustanymy kúsheıer edi. Jalpy, Qazaqstanda ótken prezıdenttik saılaý joǵary deńgeıde uıymdastyrylyp, Eýroodaqtyń barlyq talaptaryna jaýap beredi», - dep atap kórsetti P.Shtatýb.
