Shveıtsarııalyqtar vagon men ushaqty biriktiredi - VIDEO
ASTANA. QazAqparat - Shveıtsarııanyń Lozanna qalasyndaǵy Federaldy polıtehnıkalyq mekteptiń zertteýshileri temir jol vagony men ushaqty biriktirýdi usyndy. Kontsept Clip-Air dep atalǵan. Zertteýshilerdiń baǵalaýynsha, eger bul joba júzege assa, ushý kezinde jolaýshylardyń aýysyp otyrýy azaıar edi, taksı men poıyzdyń da kómegine júginýshiler azaıar edi, dep jazady nplus1.ru.
Ǵalymdardyń aıtýynsha, joba tıisti qarjylandyrýǵa ıe bolsa, shamamen 50 jylda júzege asýy múmkin. Shveıtsarııalyqtar aldaǵy 5-6 jylda jeke bıznes djetke sáıkes kólemde vagon men tasymaldaýshy ushaqtyń prototıpin jasap shyǵaratyn Clip-Air birlestigin quryp úlgerdi. Vagon prototıpi 150 jolaýshyǵa deıin tasymaldaı alady.
Clip-Air bolashaqta vagondar men avtobýstardyń ushaq korpýsy túrinde jasalatynyn boljap otyr. Mundaı vagonnyń árqaısysy 450 jolaýshy nemese 30 tonnaǵa deıin júk tasymaldaı alady jáne olarda bekitý júıesi bolady. Áýejaıǵa kelgen soń olar arnaıy tasymaldaýshy-ushaqqa tirkeledi.
Bolashaqta kapsýlalar áýejaı termınalynyń bir bóligi bolýy múmkin. Ushaq kelmeı turyp, kapsýlaǵa júkterdi tıep, jolaýshylardy jaıǵastyrady. Ushaq áýejaıǵa kelgende, arnaıy kran jolaýshy toly kapsýlany ushaqtan alyp, ornyna jańa kapsýlany qoıady. Osydan keıin ushaq jerge qonbastan, qaıta ushyp kete alady. Osylaısha, ýaqytty únemdep, ushaqtyń jerdegi ýaqytyn aıtarlyqtaı qysqartýǵa bolady.
