Shveıtsarııalyqtar kez kelgen jazyqtyqta ushatyn dron oılap tapty
ASTANA. QazAqparat - Shveıtsarııada kez kelgen baǵytta erkin qozǵala alatyn dron qurastyryldy. Ózdiginen basqarylatyn basqa áýe quraldary tek kóldeneń ushatyn bolsa, Voliro kez kelgen eńiste erkin qozǵala alady.
Ony barlyq baǵytqa buryla alatyn alty zyryldaýyq qalaqshalarynyń arqasynda jasaý múmkin boldy.
Geksakopterdi Tsıýrıh atyndaǵy Shveıtsarııa joǵary tehnıkalyq mektebi men Tsırıýh óner ýnıversıtetiniń 11 stýdenti oılap tapty. Olar bul jobany toǵyz aı boıy jasap, maýsym aıynyń basynda ózdiginen basqarylatyn ushaqtyń alǵashqy túpnusqasyn usyndy.
Bolashaqta dron tik ushyp, ortasyndaǵy sferasy arqyly kez kelgen núktege toqtaı alatyn bolady. Geksakopterdiń satylymǵa shyǵarylatyndyǵy ázirge belgisiz.
