Shveıtsarııalyqtar astanasyn kóshirýdi másele etip kóterdi
ASTANA. 5 shilde. QazAqparat - Shveıtsarııadaǵy Dieperspektive qoǵamynyń músheleri astanany kóshirý týraly referendým ótkizý úshin qol jınaýda.
Ideıany jaqtaýshylardyń pikirinshe, Tsıýrıh Bernge qaraǵanda astana bolýǵa laıyǵyraq.
Euromag.ru habarlaǵandaı, máselen, Shveıtsarııadaǵy árbir toǵyzynshy jumys orny Tsıýrıhte, eldegi eń úlken áýejaı men vokzal da sonda. Sondaı-aq Tsıýrıhte 1 mıllıonnan astam adam turady. Al Bernde bar bolǵany 300 myń halyq ómir súredi.
Referendým ótýi úshin onyń bastamashylary alty aı ishinde nebári 6000 adamnyń qolyn jınaýy tıis. Qoldaý tabatyndaryna senimdi ıdeıa avtorlary sol sebepti Tsıýrıhtan federaldy sheneýnikterdi qabyldaı alatyn ǵımarat izdestirýde.
Eýrazııa birinshi arnasy
