Shveıtsarııalyq sportshy násilshildigi úshin Olımpıadadan qýyldy

 Resmı málimdemede habarlanǵandaı, ol Ońtústik Koreıa halqyna til tıgizgen, dep habarlady RBK.

M.Morganella Shveıtsarııa men Ońtústik Koreıa arasynda ótken olımpıadalyq fýtbol týrnırinde 1:2 esebimen jeńilis tapqan soń «erekshelendi». Shveıtsarlyq óziniń shaǵyn blogynda qarsylastaryn «mońǵoldar tobyry» dep ataǵan. «Baryńdar da ózderińdi órtep jiberińder», - dep jazǵan ol. Birneshe saǵattan keıin M.Morganella óziniń aıtylǵan sózderine baılanysty keshirim suraǵan. Ol muny «qyzbalyqqa» salynýymen túsindirgen. Biraq ol ýaqytqa deıin ol akkredıtatsııadan aıyrylyp, onyń shaǵyn blogy óshirilip tastaldy.

Shveıtsarııalyq delegatsııanyń basshysy Jan Jııı fýtbolshyny aqtap alýǵa tyrysqan. Onyń aıtýynsha, bul jaǵdaı shaǵyn blogtyń oqyrmandarymen «arandatylǵan» qadam. Degenmen M.Morganellany oıyndardan shyǵarý týraly sheshimniń durystyǵymen kelisken. Olımpıadanyń zańy boıynsha sportshylar bir-birine syılastyqpen qaraýy tıis.