Shveıtsarııalyq kompanııa Qazaqstanǵa koronavırýsty anyqtaıtyn tegin test jiberdi
NUR-SULTAN. QazAqparat – Shveıtsarııalyq farmatsevtıkalyq Rooche Holding kompanııasy koronavırýstyń antıdenesin anyqtaıtyn test daıyndap, Qazaqstanǵa jiberdi. Bul týraly Ortalyq kommýnıkatsııalar qyzmetinde ótken eldegi koronavırýstyq ınfektsııa boıynsha aǵymdaǵy jaǵdaı, sonymen qatar Qazaqstandaǵy vaktsınalardyń sapasy men satyp alýlary týraly brıfıngte aıtyldy, dep habarlaıdy QazAqparat tilshisi.
«Shveıtsarııalyq farmatsevtıkalyq Rooche Holding kompanııasy koronavırýstyń antıdenesin anyqtaıtyn test daıyndap, Qazaqstanǵa qaıyrymdylyq retinde jiberdi. Testtiń sany myńǵa jýyq», - deıdi DZSUO Bas dırektory, Basqarma tóraǵasy Arnur Nurtaev.
Onyń aıtýynsha, memleket atalǵan testti satyp alýdy josparlap otyr.
«Atalǵan test Qazaqstanda qoldanylatyn barlyq PTR test sııaqty 99,9% naqtylyq kórsetedi .Ázirge Rooche Holding kompanııasy tegin túrde jibergen testti qoldanamyz», - deıdi ol.
