Shveıtsarııalyq Credit Suisse bankiniń aktsııalary 25%-ǵa qulady
BRıÝSSELЬ. QazAqparat – Shveıtsarııa ulttyq banki «Credit Suisse» bankine jedel ótimdilik usynýǵa daıyn ekenin málimdedi, sebebi bank aktsııalary sársenbi kúni kúrt qulaǵan bolatyn, dep habarlaıdy QazAqparattyń menshikti tilshisi.
Qarjy naryǵyn baqylaıtyn shveıtsarııalyq mekeme (FINMA) men Shveıtsarııa ulttyq banki (SNB) bólek málimdeme jasady.
Eki organ da AQSh-taǵy keıbir bankterdiń máseleleri Shveıtsarııa qarjy naryǵyna tikeleı qaýip tóndirmeıtinin aıtty.
«Shveıtsarııa qarjy mekemeleriniń kapıtal men ótimdiligine qoıylatyn qatań talaptar olardyń turaqtylyǵyn qamtamasyz etedi. «Credit Suisse» banki júıeli mańyzdy bankterdiń kapıtal men ótimdiligine qoıylatyn talaptaryn oryndaıdy. Qajet bolǵan jaǵdaıda Shveıtsarııa ulttyq banki «Credit Suisse»-di ótimdilikpen qamtamasyz etedi», - delingen qarjy naryǵyn baqylaý ulttyq organynyń málimdemesinde.
«Credit Suisse» aktsııalary saýdaı-sattyq jabylatyn sátte 25%-ǵa, aktsııasyna 1,69 shveıtsar frankine deıin tómendedi.
