Shveıtsarııada jeýge jaramdy robottar qurastyrýdy bastady
ASTANA. QazAqparat - Lozannada federaldy polıtehnıkalyq mektep (EPFL) zertteýshileri jelatın-glıtserındi kompozıtsııalyq materıaldan asqazan sólimen erip ketetin qaýipsiz qurylǵy qurastyrýdy úırendi. Bolashaqta osyndaı qurylǵy negizinde gastroenterologııalyq zertteýler júrgizetin robottar qurastyrý kózdelip otyr, dep jazady TechCrunch .
Jelatın - serpindilik pen beriktik jaǵynan sılıkonnan kem túspeıtin, jumsaq robototehnıkada kóp paıdalanylatyn glıtserın materıal. Zertteý kezinde ǵalymdar qurylǵynyń alma, jumyrtqa, lego kýbıgi, saǵyz qaptamasy sekildi salmaǵy 150 gramm shamasyndaǵy zattardy kótere alatynyn kórsetti.
Ázirge jelatın qurylǵy pnevmatıkalyq ádispen qozǵalady, biraq ony jasaýshylar aldaǵy ýaqytta aǵzadaǵy hımııalyq reaktsııalar áserimen qımyldaı alady dep úmittenip otyr.
