Shveıtsarııada jasóspirimder ІІІ qysqy olımpıada oıyndarynyń ashylý saltanaty ótti
NUR-SULTAN. QazAqparat - Shveıtsarııanyń Lozanna qalasyndaǵy «Malley» muz saraıynda ІІІ Jasóspirimder qysqy olımpıadasynyń ashylý saltanaty ótýde. Saltanatty sherýge Qazaqstan ulttyq quramasy da qatysty, dep habarlaıdy Olympic.kz.
Jasóspirimder olımpıadasynyń ashylý saltanatyna Shveıtsarııaǵa attanǵan qazaqstandyq sportshylardyń alǵashqy legi qatysty. Elimizdiń kók baıraǵyn taý shańǵysynan synǵa túsken Vladıslav Shlemov kóterip shyqty.
Jas sportshy mundaı mártebege ıe bolǵany úshin qýanyshty ekenin jasyrmady.
«Elimizdiń kók týyn kóterip shyǵý úlken abyroı. Keýdemdi maqtanysh sezimi kernep tur. Bir jaǵynan jaýapkershilik te artýda. Shynyn aıtqanda, azdap qobaljyp turmyn. Qazaqstannyń baıraǵyn mundaı iri básekede kóterip shyǵý mindetin alǵash ret oryndaıyn dep turmyn.
Aıta ketelik, taý shańǵysynan synǵa túsetin sportshylar Olımpıadada alǵashqylardyń biri bolyp baq synaıdy. Vladıslav Shlemov pen Aleksandra Troıtskaıa 10 qańtar kúni Sýpergıgant baǵdarlamasy boıynsha synǵa túsedi.
