Shveıtsarııada jasóspirimder arasyndaǵy ІІІ qysqy Olımpıada oıyndary bastaldy
LOZANNA. QazAqparat – Búgin, Shveıtsarııanyń Lozanna qalasynda jasóspirimder arasynda ótetin ІІІ qysqy Olımpıada oıyndarynyń alaýy tutandy, dep habarlaıdy QazAqparat tilshisi.
Osyǵan deıin habarlaǵanymyzdaı, 6 qańtar kúni Qazaqstannyń jasóspirimder quramasy Lozannadaǵy qysqy Olımpıadaǵa attanyp ketken bolatyn. Atalǵan tórtjyldyq dodaǵa Qazaqstan sporttyń 9 túrinen 26 lıtsenzııa jeńip aldy.
QR Ulttyq Olımpıadalyq komıtetinen habarlaǵandaı, bıylǵy jasóspirimder Olımpıadasyna qatysatyn sportshylardyń jalpy sany 1872-ge jetip, rekordtyq deńgeıdi kórsetip otyr.
Esterińizge sala ketsek, 2012 jyly alǵash ret Insbýrkte ótkizilgen Olımpıada oıyndarynda 1059 jasóspirim baq synasa, 2016 jyly Lıllehammerde alaýy janǵan tórtjyldyq dodaǵa 1100 atlet qatysty.
Lozannadaǵy Olımpıada oıyndary 9-22 qańtar aralyǵynda ótedi. Onda álemniń 70 elinen kelgen eń tańdaýly jasóspirimder sporttyń 14 túrinen júldeli oryndardy sarapqa salady.
Aıta keteıik, 2016 jyly ótken II qysqy Olımpıada oıyndarynda Qazaqstan quramasy tórt medal utyp aldy (bir kúmis, úsh qola). Jarys qorytyndysy boıynsha elimiz 26-orynǵa turaqtady.
Foto: olympic.kz