Shveıtsarııada jasóspirim baltamen adamdarǵa shabýyldady
ASTANA. QazAqparat - Jeksenbi kúni Shveıtsarııanyń Flýms kommýnasynda (Sankt-Gallen kantony) baltamen qarýlanǵan 17 jastaǵy jasóspirim ótip bara jatqan adamdarǵa shabýyl jasady. Bul týraly Tages Anzeiger gazeti polıtsııaǵa silteme jasap habarlady.
Basylymnyń aqparaty boıynsha, keshqurym jas jigit jergilikti poshta bólimshesiniń mańynda adamdarǵa baltamen júgirip, birnesheýin jaraqattaǵan. Keıin bótenniń kóligin aıdap áketip, oqıǵa ornynan izin sýytqan. Budan ári, janarmaı quıý stansasyna jetip, taǵy birneshe adamdy jaraqattady. Ol sol jerde polıtsııanyń qolyna tústi.
Qaskúnemniń áreketiniń sebebi ázirge beımálim, alaıda quqyq qorǵaý organdary bul oqıǵanyń terrorızmge qatysy baryn teriske shyǵardy.
Zardap shegýshilerdiń naqty sany men olardyń jaǵdaıy naqtylaný ústinde.
