Shveıtsarııada ýnıtazǵa aǵyzylǵan qyrýar eýro káriz júıesin bitep tastady
ASTANA. QazAqparat - Shveıtsarııalyq prokýrorlar Jenevada ondaǵan myń eýronyń ýnıtazǵa qasaqana aǵyzylyp, káriz qubyrlaryn bitep tastaýyna qatysty oqıǵany tergeýdi bastady, dep habarlaıdy Bı-Bı-Sı agenttigi.
500 eýrolyq banknotalar Jenevadaǵy UBS bankiniń fılıalynda jáne oǵan jaqyn mańdaǵy meıramhanalardyń ájethanalarynan tabylǵan.
Kóp bóligi qaıshymen qıyp tastalǵan valıýtalar osydan birneshe aı buryn tabylǵan, biraq bul jaıly endi ǵana belgili bolyp otyr. Oqıǵadan keıin qubyrlardy tazalaýǵa taǵy da myńdaǵan shveıtsar franki jumsalǵan.
Eýroodaq bıligi zańsyz operatsııalarǵa paıdalanylatyndyqtan taıaý arada 500 eýrolyq banknotalardy aınalymnan shyǵarýdy josparlap otyr. Olar 2018 jylǵa qaraı tolyǵymen alyp tastalady. Shveıtsarııada aqsha belgilerin joıý jáne búldirý qylmys bolyp tabylmaıdy, biraq jergilikti prokýratýra oljanyń qaıdan kelgenin tekserý úshin tergeý amaldaryn júrgizbek.
«Biz bul banknotalardyń shyǵýyn, sondaı-aq osy iske qatysy bolýy múmkin qylmystyq izderdi anyqtaımyz», - deıdi Jeneva prokýratýrasynyń ókili Vınsen Derýan.
