Shveıtsarııada temirjol ótkelinde poıyz ben avtobýs soqtyǵysty
ASTANA. QazAqparat - Shveıtsarııanyń Interlaken kommýnasyndaǵy temirjol ótkelinde poıyz ben avtobýstyń soqtyǵysýy saldarynan 17 adam jaraqattandy, dep habarlaıdy RIA Novostı.
Oqıǵa keshe keshki ýaqytta, poıyz Interlakenniń shyǵys vokzalyna baǵyt alyp kele jatqan kezde oryn alǵan. «Shveıtsarııalyq federaldyq temir joldary» (SBB) kompanııasynyń habarlaýynsha, poıyzdyń jolaýshylary zardap shekken joq. Avtobýstyń jaraqattanǵan jolaýshylary aýrýhanaǵa jetkizildi.
Polıtsııa oqıǵanyń mán-jaıyn anyqtaý maqsatynda tergeý amaldaryn júrgizip jatyr.
