Shveıtsarııada taý aýasy satyla bastady
ASTANA. QazAqparat - Shveıtsarııada aerozoldy ballondardaǵy taza taý aýasyn satýmen aınalysatyn kompanııa paıda boldy. Kompanııa óz ónimderin lastanǵan qalalarǵa usyna otyryp, álem naryǵyna shyǵýdy kózdep otyr, dep habarlaıdy rg.ru.
Swiss Alpin Air kompanııasy ónimderiniń moıyndalyp, tutynýshylardyń suranysyna ıe bolatyndyǵyna senimdi. Qazirgi ýaqytta taý bulaqtarynan alynǵan bótelkelerdegi taza sý álem boıynsha tutynýshylardyń kólemdi suranysyna ıe bolyp úlgergen.
«Jyl saıyn shveıtsarııalyq Alpi taýlaryna taza taý aýasymen tynystaý úshin álemniń ár elinen týrıster aǵylyp keledi. Bul bizde bar alpi aýasyn eksporttaýdyń jaı ǵana mysaly», - deıdi kompanııa ókilderi.
Osylaısha, óndirýshi satylymǵa tynystaýǵa arnalǵan arnaıy maskaly 7 lıtrlik bótelkelerdi shyǵaryp, bir danasyn 21 dollarǵa satýdy josparlap otyr. Qazirgi ýaqytta jobaǵa ınvestorlar izdestirilýde.
