Shveıtsarııada ólim jazasyn engizý úshin daýys jınalyp jatyr
ASTANA. Tamyzdyń 25-i. QazAqparat - Shveıtsarııada ólim jazasyn engizý úshin daýys jınaý bastaldy, dep habarlaıdy RSN agenttigi.
Jazanyń bul túri Shveıtsarııada 1942 jyly alyp tastalǵan bolatyn. Eger 2012 jylǵy aqpannyń 24-ine deıin 100 myń daýys jınalsa, elde jalpyhalyqtyq referendým ótkizilýi múmkin.
Balany zorlaý, jynystyq qatynasty májbúrleý sııaqty asa aýyr qylmystar úshin ólim jazasyna kesý usynylýda. Qol jınaý jónindegi bastamany jaqyndary pedofılder men zorlyqshylardyń qurbandary boǵan jeti adamnan turatyn top kóterip otyr.
