Shveıtsarııada mıgranttardyń úshinshi urpaǵyna azamattyq berý usynyldy
ASTANA. QazAqparat - Azamattyq alýǵa qoıylǵan eń qatań qaǵıdalardyń biri Shveıtsarııada. Jeksenbide bul elde mıgranttardyń úshinshi urpaǵyna azamattyq berý jaıynda referendým ótedi, dep jazady B-bı-sı.
Atalǵan qaǵıdaǵa sáıkes, atalary Chılıden Shveıtsarııaǵa qonys aýdarǵan, oǵan qosa ózderi Latyn Amerıkasynda birde-bir ret bolmaǵan adamdardyń azamattyǵy joq.
Kóptegen elderde bala týǵan sátten bastap azamattyq alýǵa quqyǵy bar, alaıda Shveıtsarııada bul jetkiliksiz.
Eger úmitkerde Shveıtsarııa azamattyǵyn alý úshin Konfederatsııa tólqujaty bar týysqany bolmasa, oǵan elde kemi 12 jyl turýǵa, tarıhty, kanton geografııasynan testter tapsyryp, birneshe ret áńgimelesýden ótýi jáne birneshe myń frank memlekettik baj tóleýine týra keledi.
