Shveıtsarııada meshit munaralary qurylysyna tyıym salý sheshimi adamdar arasynda óshpendikti týdyrady - Islam zertteýleri akademııasy
ASTANA. Jeltoqsannyń 3-i. QazAqparat /Rýslan Ǵabbasov/ - Shveıtsarııada meshit munaralary qurylysyna tyıym salý sheshimi adamdar arasynda óshpendikti týdyrady. Bul týraly búgin elordada Álemdik jáne dástúrli dinder lıderleri sezi hatshylyǵynyń ІH otyrysy barysynda Islam zertteýleri akademııasynyń bas hatshysy (Mysyr) Abdýl Bakı Shekat Shýkr málim etti,
dep habarlaıdy QazAqparat.
Shveıtsarııada musylman meshitteriniń janynda munaralar salýǵa tyıym salynýy máselesine toqtalǵan ol, «menińshe, bul taqyryp, ıaǵnı osyndaı is-qımyldar adamdar arasynda óshpendikti týdyrady. Osy oraıda biz, din qyzmetkerleri retinde, bundaı ıdeıalarǵa tosqaýyl qoıýǵa jaǵdaı jasap, ózara súıispenshilik ıdeıasyn nasıhattaýymyz qajet. Bul dinniń róline negizdelgen», dedi.
«Talqylanatyn taqyryp álemdik qoǵamdastyqta bolyp jatqan jaǵdaıǵa qatysty bolýy tıis, ıaǵnı adamzattyń ómirine yqpal etetin máseleniń tóńireginde topshylanýy kerek», -dedi ol.
Bul taqyryptar adam ómiriniń quramdas bóligi ekenin jetkizgen Abdýl Bakı Shekat Shýkr,«ǵalym retinde, din basshylary retinde álemdik qoǵamdastyqty beıbitshilikke, teńdikke shaqyratyn qujatty qabyldaýǵa mindettimiz»,-dedi.
Esterińizge sala keteıik, Shveıtsarııadaǵy meshitterde jańa munaralar kóterýge tyıym salynǵan bolatyn. Jaqynda osy elde júrgizilgen referendým kezinde shveıtsarııalyqtardyń 57,5 paıyzy eldegi meshitterdiń janynan munaralar qurylysyna tyıym salýǵa daýys bergen.
