Shveıtsarııada máńgi jasyl jelektermen kómkerilgen 117 metrlik turǵyn úı salynbaq (FOTO)
ASTANA. QazAqparat - Innovatsııalyq ekologııalyq qurylymdarmen aınalysatyn ıtalıandyq sáýletshi Stefano Boerı Shveıtsarııanyń Lozanna qalasynda bıiktigi 117 metr bolatyn turǵyn úı salmaq, dep habarlaıdy sheteldik BAQ.
Bul úı máńgi jasyl aǵashtarmen kómkerilgen álemdegi alǵashqy ǵımarat bolady. La Tour des Cedres ("Kedrler munarasy") dep atalatyn 36 qabatty ǵımaratta júzden astam aǵash, 6 myń buta men 18 myń túrli ósimdikter ósetin bolady. Jalpy kólemi úsh myń sharshy metr jasyl aýmaq qamtylmaq. Ósimdikter úıdi jelden, shań men shýdan qorǵaıdy dep kútilýde.
