Shveıtsarııada qundyzdar keltiretin shyǵyndy úkimetten óndirý usynyldy
ASTANA. Shveıtsarııada bılik jabaıy qundyzdardyń keltirgen shyǵynyn óteýge qatysty bastamany qoldamady, dep jazady The Local.
Senat qaraýdan bas tartqan zań jobasyn 500 qundyz mekendeıtin Týrgaý kantony usyndy. Qujatta kemirgish ańnyń ınfraqurylymdarǵa, atap aıtqanda jolǵa, jaǵalaýdaǵy nysandarǵa keltirgen zalalyna ótemaqy berý jaıy kóterilgen.
Zań jobasyn usynǵandar jyl saıy qundyzdar mıllıon frank shyǵyn keltiretinin eseptep shyqqan. Alaıda osy shyǵyndy eshkim ótep bermeıdi.
Jobany usynǵan Hrıstıan-demokratııalyq halyq partııasynyń ókili Rolanda Eberle, zańdy qabyldaý azamattardyń kemirgishke kózqarasyn jaqsy jaqqa qaraı ózgertedi degen senimde.
Shveıtsarııada qundyzdar qatty aýlanyp 200 jyl buryn joıylyp ketken. Alaıda ótken ǵasyrdyń 50-shi jyldary basqa jaqtardan ákelinip jersindirilgen. Ol 1962 jyly asa qorǵalatyn janýar túrine jatqyzylǵan. Qazir elde 2,8 myńdaı qundyz bar dep esepteledi.
