Shveıtsarııada qubyrlarǵa jyl saıyn 43 keliden astam altyn aǵyzylady
ASTANA. QazAqparat - Shveıtsarııa densaýlyq saqtaý mınıstrliginiń tapsyrysymen Eawag sý aıdyndaryn zertteý ortalyǵynyń ekologııalyq hımıkteri júrgizgen zertteýge sáıkes, eldegi káriz júıesine jyl saıyn 43 keli altyn jáne úsh tonna kúmis aǵyzylady.
Sýǵa ketetin baǵaly metaldardyń jalpy quny derlik 2 mıllıon AQSh dollaryna deıin barady. Zertteýshiler káriz júıesine altynnyń saǵat jáne affınaj zaýyttarynan keletinine senimdi. Sýdaǵy qundy metall kontsentratsııasynyń atalǵan zaýyttarǵa jaqyn mańda joǵary bolýyn zertteýshiler osymen túsindirýde.
Ǵalymdardyń sózine qaraǵanda, sý tazartý stansalarynan tabylǵan baǵaly metaldar qorshaǵan ortaǵa zııan tıgizbeıdi, al aınalymǵa qaıtarý úshin altyn bólshekterin izdeý ekonomıkalyq turǵydan qaraǵanda eshqandaı paıda ákelmeıdi.
