Shveıtsarııada eki poıyz soqtyǵysty: zardap shekkender bar
ASTANA. 10 qańtar. QazAqparat - Búgin Shveıtsarııanyń Noıhaýzen-am-Raınfall kommýnasynda, áıgili Reın sarqyramasynyń mańynda eki poıyz soqtyǵysty, dep habarlady RBK.
Bul týraly Victoria Times Colonist aqparat taratty. Shveıtsarııalyq BAQ-tan habarlanǵandaı, oryn alǵan oqıǵa saldarynan 1 adam zardap shekti. Alaıda nemis basylymdary kýágelerdiń sózine silteme jasaı otyryp, ondaǵan adamnyń zardap shekkenin habarlaýda.
Soqtyǵysý saldarynan ekiqabatty quram relsten shyǵyp ketti. Osydan keıin qutqarýshylar ekinshi lokomotıvti jetkizip, onyń jolaýshylaryn qaýipsiz aımaqqa kóshirdi.
Oqıǵanyń sebep-saldarlary ázirge anyqtalǵan joq. Temirjolshylar joldyń bul baǵytyn qozǵalys úshin japty.
