Shveıtsarııa úkimeti vaktsına saldyrmaǵandarǵa tegin PTR-test jasatýdan bas tartyp otyr

BRıÝSSELЬ. QazAqparat – Shveıtsarııa úkimeti PTR testilerdi aqyly etý arqyly vaktsınalaý naýqanyn yntalandyrý sharalaryn qabyldady, dep habarlaıdy QazAqparat.

Shveıtsarııada vaktsına saldyrtpaǵan jáne Covid-19 qarsy vaktsına sertıfıkaty talap etiletin qoǵamdyq sharalarǵa barǵysy keletin turǵyndar 1 qazannan bastap PTR-testiniń aqysyn ózderi tólep nemese vaktsına saldyrtýǵa tıis bolady», - delingen el úkimeti taratqan baspasóz habarlamasynda.

Shveıtsarııada kún saıyn vırýs juqtyrý oqıǵalarynyń sany 2 myńnan asqan, bul rette sársenbi kúni COVID-19 juqtyrýdyń jańa 2120 oqıǵasy tirkelgen.

Shveıtsarııa turǵyndarynyń 50 paıyzynan sál azdaýy tolyq vaktsına saldyrtty, biraq vaktsınalaý qarqyny 11 shildeden beri burynǵy qalpynda tur. Osyǵan oraı el basqarýdyń federaldyq keńesi turǵyndardy belsendirek ekpe saldyrtýǵa shaqyrdy.

«Shveıtsarııada turatyndardyń barlyǵy qandaı da bir sátte Covid-19 vırýsymen baılanysqa túsetinin esepke ala otyryp, Federaldyq keńes ınfektsııa juqtyrý, aýrýhanaǵa jatqyzý jáne ólim jaǵdaılarynyń sany ósýi ábden múmkin dep sanaıdy. Qalypty ómirge qaıtyp oralý úshin, vaktsına saldyrtqan adamdar sanyn kóbeıtý kerek», - delingen málimdemede.

Shveıtsarııanyń densaýlyq saqtaý mınıstri Alen Berse qazirgi kezde eldiń pandemııanyń «qalypty» kezeńine ótkenin málimdedi. Alaıda koronavırýs boıynsha engzilgen shekteýler kem degende qyrkúıek aıyna deıin alynbaıdy.

Shveıtsarııa úkimeti mektepter, kompanııalar jáne medıtsına mekemelerinde jappaı testileýdi qarjylandyrýyn jalǵastyrady, biraq qoǵamdyq sharalarǵa barý úshin ǵana PTR-test ótetin adamdar úshin tegin testileýden bas tartpaq.

Bul 12 jasqa deıingi balalar jáne medıtsınalyq sebepter boıynsha ekpe saldyrta almaıtyndarǵa qatysty emes.

Shveıtsarııa úkimeti pandemııamen kúres júrgizýdiń bolashaq strategııasy vaktsınalaýdan bas tartatyn adamdardy qorǵaýǵa emes, aýrýhana júıesine qysymnyń aldyn alýǵa baǵyttalatynyn málimdep otyr.

Arnur Rahymbekov