Shveıtsarııa úkimeti qazaqstandyqtarǵa memlekettik stıpendııa usyndy
ASTANA. QazAqparat - Shetel stýdentterine arnalǵan stıpendııalyq baǵdarlamalar boıynsha federaldyq komıssııa Qazaqstan Respýblıkasy azamattaryna PhD dárejesin alýǵa arnalǵan memlekettik stıpendııany usynady. Bul týraly QazAqparat «Halyqaralyq baǵdarlamalar ortalyǵynyń» saıtyna silteme jasap habarlaıdy.
STIPENDIıA UZAQTYǴY: 36 AI
Stıpendııa mólsheri: 1 920 CHF, medıtsınalyq saqtandyrý, oqý bitirgennen keıingi jol aqysy, Shveıtsarııadaǵy qoǵamdyq kóliktik bıletke jeńildik, yqtımal zertteýlerge (suranys boıynsha) aqy tóleý, ekskýrsııa jáne barlyq qatysýshylardyń uıymdastyrýshylyq shyǵyndaryn tóleý.
NB: 2018 jyldyń 1 tamyzynan bastap, stıpendııa jáne onyń sharttary týraly naqty aqparatty Halyqaralyq stýdentterine stıpendııalar Federaldyq komıssııanyń veb-saıtynan www.sbfi.admin.ch/scholarships_eng kóre alasyz.
KANDIDATTARǴA QOIYLATYN NEGІZGІ ShARTTAR MEN TALAPTAR:
- kandıdat shákirtaqy alýǵa ótinim bergen kezde, qabyldaıtyn mekemeniń doktorlyq baǵdarlamasynda qabyldaýda bolý kerek;
- magıstr dárejesi. Ótinish berýshi kelesi jyldyń qyrkúıek aıynda stıpendııanyń bastalýyna deıin osy dárejege ıe bolýy tıis. Ǵylymı stıpendııanyń bastalýyna deıin federaldyq stıpendııa berilý aldynda osy dárejege ıe bolýy kerek;
- kandıdattyń jasy 35 jastan aspaýy qajet;
- shveıtsarııada bir jyldan astam ómir súrgen úmitkerler stıpendııalyq baǵdarlamaǵa ótinish bere almaıdy;
- úmitkerler professordyń atynan kandıdattyq dıssertatsııasyn qoldaýyn jáne jumys jetekshisi bolýyna kelisýin negizdeıtin professordyń hatyn (onyń qysqa túıindemesimen birge) usynýy tıis;
- úmitkerlerde ǵylymı jobanyń merzimdik shegi bolýy kerek. Bul stıpendııany qoldanýdyń negizgi elementi;
- úmitkerlerdiń qajetti tildik bilimi bolýy kerek;
- buryndary stıpendııanyń ıegeri bolǵan azamattar stıpendııaǵa úmitker bola almaıdy;
- shákirtaqy ıegerleri PhD doktorantýranyń barlyq kezeńinde Shveıtsarııaǵa kóshedi dep kútilýde.
Ótinish suraqtary men qujattary kelesi meken-jaıǵa jiberilýi kerek:
Qazaqstandaǵy Shveıtsarııa Elshiligi
- Kosmonavtov kósh. 62, 010000 Astana
- E-mail: ast.vertretung@eda.admin.ch
- Veb: https://www.eda.admin.ch/astana
