Shveıtsarııa tarıhı kezdesýde Kamerýnnan basym tústi
Atalǵan toptaǵy alǵashqy kezdesý Shveıtsarııa men Kamerýn quramalary arasynda ótti.
El-Vakra qalasyndaǵy 44 325 myń jankúıerge arnalǵan «El-Djanýb» stadıonynda bolǵan oıynda argentınalyq Fakýndo Telo bas tóreshi qyzmetin atqardy.
Qos quramanyń tájirıbesi men sheberlik deńgeıi qatarlas. Sondyqtan oıynnyń tartysty órbıtini belgili edi.
Tóreshi ysqyryǵy estilgen sátten fýtbolshylar jasyl alań tórinde taıtalasqa tústi. Birinshi kezeńde tablodaǵy esepke ózgeris engen joq.
Ekinshi kezeń bastalǵan sátte shveıtsarııalyq fýtbolshylar alǵa qaraı umtyldy. Bul áreketi nátıjesiz bolǵan joq.
Oıynnyń 48-mınýtynda Brıl Embolo atalǵan quramany alǵa shyǵardy. Oǵan kamerýndyq qurama jaýap berýge tyrysty.
Aıta ketsek, eki qurama óz tarıhynda tuńǵysh márte kezdesip otyr. Sol tarıhı oıynda Shveıtsarııa qarsylasynan 1:0 esebimen basym tústi.
Eske salsaq, atalǵan toptaǵy Brazılııa men Serbııa kezdesýi elorda ýaqytymen 01:00-de bastalyp, «Qazaqstan» jáne «Qazsport» telearnalarynan tikeleı efırde kórsetiledi.
Sondaı-aq, búgin, 24 qarashada 19:00-de Ýrýgvaı men Ońtústik Koreıa kezdesýi «Qazsport», Portýgalııa men Gana oıyny 22.00-de «Qazaqstan» telearnasynan tikeleı efırde kórsetiledi.
Foto: GETTY IMAGES