Shveıtsarııa poshtasy 50 jyl buryn jiberilgen ashyq hatty jetkizdi
ASTANA. QazAqparat - Shveıtsarııa poshtasy «rekord» ornatty. Illgaý qalasynyń turǵyny onyń marqum ákesine 50 jyl buryn jiberilgen ashyq hatty aldy.
Hat 1965 jyly 15 jeltoqsanda jiberilgen. Ibaha qalasynyń sharýasy Illgaýdaǵy dosyna jazǵan hatynda onyń taý mańyndaǵy shabyndyǵyna tórt sıyry men buqasyn jaıǵysy keletinin jetkizgen, sondaı-aq Rojdestvomen quttyqtap, Jańa jyldy jaqsy qarsy alýdy tilegen.
Hat suryptaý kezinde shkaftyń artyndaǵy qýysta qalyp, endi ǵana tabylǵan bolsa kerek.
