Shveıtsarııa Ózbekstanǵa Gúlnar Karımovanyń 131 mln dollar aktıvin qaıtaratyn boldy

TAShKENT. QazAqparat - Shveıtsarııanyń Bern qalasynda Ózbekstannyń burynǵy prezıdentiniń qyzy Gúlnara Karımovanyń aktıvterin qaıtarý týraly kelisimge qol qoıyldy, dep habarlaıdy QazAqparat tilshisi sol eldiń Ádilet mınıstrligine silteme jasap.

«Kelisim aıasynda Ózbekstannyń burynǵy prezıdentiniń qyzy Gúlnar Karımova basqarǵan uıymdasqan qylmystyq top zańsyz ıemdenip, Shveıtsarııada zańdastyrylǵan 131 mıllıon dollar qaıtarylady», - delingen mınıstrliktiń habarlamasynda.

Kelisimge Ózbekstan tarapynan Ádilet mınıstri Rýslanbek Davletov, Shveıtsarııa tarapynan prezıdent Inıatsıo Kassıs qol qoıdy.

Sonymen qatar atalǵan kelisim Ózbekstannyń Ádilet jáne Іshki ister mınıstrlikteri men quzyrly vedomstvolar arasyndaǵy sońǵy 2 jyldaǵy jumys nátıjesi ekeni aıtyldy.

Restıtýtsııa BUU-nyń kóp-seriktestik trast qorlary júıesinde ornalasqan «Uzbekistan Vision 2030» trast qory arqyly júrgizilmek.

Foto: t.me/adliyangiliklari