Shveıtsarııa nıgerııalyq «Boko haram» tobyna qatysty sanktsııa engizdi
ASTANA. QazAqparat - Shveıtsarııa úkimeti nıgerııalyq «Boko haram» tobyna qatysty sanktsııa engizdi. Bul týraly jeksenbi kúni Shveıtsarııa ekonomıkasynyń memlekettik hatshylyǵy málim etti, dep habarlady ITAR-TASS.
«Boko haram» 2000 jyly Bern qabyldaǵan «Ál-Kaıdaǵa» jáne onyń sol kezdegi kóshbasshysy Ýsama ben Ladenge jáne aýǵandyq «Talıban» qozǵalysyna qatysty qaýlyǵa engizildi. Buǵan 22 mamyrda BUU Qaýipsizdik Keńesi qabyldaǵan sheshim negiz boldy, onda nıgerııalyq top lańkestik uıymdar tizimine engizilip, oǵan sanktsııalar salynǵan bolatyn. Budan birneshe kún buryn Eýroodaq ta osyndaı sharalar qabyldady. AQSh-ta «Boko haram» 2013 jylǵy qarashadan beri lańkestik uıymdar tizimine engizilgen bolatyn.
Bern jarııalaǵan shekteý sharalary eger Shveıtsarııa bankterinde olardyń aktıvteri tabylatyn bolsa, olardyń bári toqtatylady, onyń músheleriniń el aýmaǵyna kelýine tyıym salynady jáne qarý jetkizýge embargo qoıylady.
«Boko haram» haýs tilinen aýdarǵanda «Batystyq bilim - kúná» degendi bildiredi, 2002 jyldan bastap Nıgerııanyń soltústiginde teokratııalyq memleket ornatý úshin kúresýde. Sońǵy kezderi radıkaldar armııa men polıtsııa nysandaryna shabýyldaryn, sondaı-aq azamattarǵa qarsy lańkestik aktilerdi jandandyra tústi. 2014 jylǵy sáýirde olar 300 mektep oqýshy-qyzdaryn kepilge aldy, olardyń 272-si áli kúnge deıin sodyrlardyń qolynda. Islamshylar olardy túrmedelerde jazalaryn ótep jatqan jaqtastaryna aýystyrýǵa tyrysýda.
