Shveıtsarııa Malaızııadan joǵalǵan 4 mlrd. dollardy tabýǵa kómek surady
ASTANA. QazAqparat - Shveıtsarııa prokýratýrasy Malaızııa bıligine eldiń memlekettik damý qorynan tórt mıllıardqa jýyq dollardyń joǵalýyn tergeýde kómek kórsetý týraly resmı suraýyn jiberdi.
Shveıtsarııalyq tergeýshilerdiń esepteýinshe, aqshany Shveıtsarııanyń esepshottaryna keıbir burynǵy malaızııalyq sheneýnikter aýdarǵan.
Malaızııanyń premer-mınıstri Nadjıb Razak onyń esepshottaryna damý qorynan iri aqsha somasynyń túskenin birneshe ret joqqa shyǵarǵan.
Seısenbi kúni eldiń bas prokýrory premerden jemqorlyq týraly kúdikter alynyp tastalatyny, al onyń esepshotyna aýdarylǵan 681 mln. dollar - Saýd Arabııasyndaǵy koroldik otbasynyń qaıyrymdylyǵy ekenin habarlady, dep jazady Bı-bı-sı.
