Shveıtsarııa maqtanyshy - Rona muzdyǵy kúrt erip jatyr
ASTANA. QazAqparat - Eýropada osy jazda bolǵan aptap ystyq muzdyqtardyń erýin jyldamdatty. Bul qubylys Shveıtsarııada Alpi taýlaryndaǵy Rona muzdyǵyna da áserin tıgizdi, dep habarlaıdy euronews.
Qar jamylǵysy jurttyń kóz aldynda erip jatyr. Osyndaǵy úńgirge kelgen týrıster onyń qabyrǵasymen erigen qar sýynyń qalaı aǵyp jatqanynyń kýási bolýda.
Lozanna ýnıversıtetiniń sarapshysy Krıstof Lambeldiń túsindirýinshe, ázirge muzdyqta qar barshylyq, onyń ózi erimegen. Tek qar ǵana. Biraq qar bitkenen soń muzǵa kezek kelmek.
Rona muzdyǵy erimes úshin eriktiler ony arnaıy oqshaýlaǵysh shúberekpen jabýda. Bul Shveıtsarııanyń tabıǵı baılyǵyn kúnniń kóz qaryqtyrar sáýlesine qalqan bolmaq.
Bul muzdyqty qorǵaı ala ma. Ony ýaqyt kórsetedi. Al basqa muzdyqtardyń jaǵdaı múshkil.
Krıstof Lambeldiń sózine qaraǵanda, endi 20 jyldan soń kóptegen shaǵyn muzdyqtar joǵalady.
Al Rona muzdyǵy bolsa, sońǵy 120 jyl ishinde 1400 metrge kemigen. Ár ystyq bolǵan kúni 10-12 santımetrge qysqaryp jatyr.
